PD është një parti konservatore që i përqëndron politikat tek individi dhe liria ekonomike.
-Subvencionojë për çdo njësi prodhimi, kokë bagëti dhe fidan të blerë fermerët dhe rritje për këtë qëllim e fondit të subvencionimit direkt të fermerëve nga 0.5 përqind e shpenzimeve buxhetore, apo 31 milionë që është de facto, në 3.5 përqind sa është niveli mesatar i rajonit.
-Mbrojtje sezonale e prodhimeve bujqësore.
-Dalje e menjëhershme nga Ballkani i Hapur që po rrënon prodhimin bujqësor dhe blegtoral shqiptar dhe zbatimi i të gjitha detyrimeve që rrjedhin nga Procesi i Berlinit dhe procesi i integrimit evropian.
-Karta e ID do jetë NIPT-i i fermerit, mbështetje direkte, subvencion për sipërmarrësit në fushën e bujqësisë, ku çdo fermer do identifikohet me një NIPT.
-TVSH-ja në sektorin e përpunimit të prodhimeve bujqësore do jetë e njëjtë në shitje dhe blerje, kështu që paratë do shkojnë direkt tek fermeri dhe jo tek grosisti.
-Nafta do të subvencionohet gjer në nivelin e kostos.
-Mbështetje të veçanta pa kufizim për fermerët në fushat prioritare të bujqësisë, të përcaktuara nga qeveria, fushat e eksportit, fusha e blegtorisë, pemëtarisë dhe agro-përpunimit.
-Subvencionim i normave të interesit deri në masën 80 përqind për kreditë bankare në fushën e bujqësisë. Kjo ndërhyrje është emergjente për rritjen e injektimit të parave në këtë sektor.
-Zhvillimi i infrastrukturës bujqësore do mbështetet nga investime thelbësore veçanërisht në ujitje dhe kullim ku çdo vit do investohen një shumë rreth 70 milionë dollarë me qëllim dyfishimin në katër vite të sipërfaqjes së ujitjes.
-Krijimi i agjencisë së studimit të tregjeve që të studiojnë tregun e brendshëm dhe të jashtëm dhe të bëjnë një orientim makro për fermerët shqiptarë për çfarë dhe sa duhet të mbjellin. Kështu do zbuten shumë krizat e krijuara nga stoqet.
-Mbështetje me grante dhe kredi të buta fermerëve dhe agropërpunuese për futjen e teknologjive të reja në prodhim dhe përpunimin e produkteve bujqësore, automatizimin, dixhitalizimin, blerjen e traktorëve dhe pajisjeve të tjera.
-Kompensim financiar me çmim dysheme për stokun e prodhimit të shkaktuar nga çrregullime të forta të tregut dhe incentivim në ngritjen e industrisë agroushqimore për absorbimin e këtij stoku dhe shmangien e asgjësimit të këtyre produkteve. Kjo si mënyrë efektive për të shmangur falimentimin e fermerëve dhe braktisjen e zonave rurale.
-Kryerja falas nga shteti i analizave të tokës bujqësore dhe puseve të ujitjes së saj.
-Garantim dhe monitorim të cilësisë së imputeve bujqësore nëpërmjet laboratorëve të akredituara.
-Rritje e sigurisë ushqimore nëpërmjet fuqizimit të institucioneve përgjegjëse, futjes së sistemeve mbikëqyrëse sipas standardeve të BE, rishikim në themel i kuadrit ligjor për abuzuesit e tregut që dëmtojnë shëndetin e konsumatorit.
-Rritje e kapaciteteve laboratorike shtetërore me qëllim eliminimin e praktikave abuzive të kryerje së analizave nga laboratorët privatë.
-Ngritja e infrastrukturës për kryerjen e kontrolleve zyrtareve në pikat e inspektimit kufitar pasi aktualisht mungesa e ambienteve karantinore dhe frigoriferike kompromentojnë drejtpërdrejt sigurinë e produkteve ushqimore të importuara.
Zero taksa për biznesin e vogël dhe profesionet e lira. Ulje nga 15 në 2% të taksës së shitjes së pronës, ulje të çmimit të karburanteve. Do të krijohen 4 zona të lira ekonomike
Qytetari, familja dhe sipërmarrja, në qendër të transformimit dhe zhvillimit ekonomik të Shqipërisë
Sfidat dhe proçeset ekonomiko-financiare globale sot, kërkojnë një politikë të re publike për të rifilluar zhvillimin e qëndrueshëm të vendit. Kjo politikë e re duhet të ketë si bazë reformat strukturore me qëllim promovimin e konkurueshmërisë. Motoja e Partisë Demokratike ndër vite ka qënë pikërisht konkurueshmëria, dhe promovimi i sipërmarrjes. Kjo e fundit përgjatë çdo qeverisjeje të Partisë Demokratike, falë reduktimit të burokracisë, të presionit fiskal dhe të korrupsionit nga ana e qeverisë së Partisë Demokratike, ka shërbyer si katalizator i punësimit dhe i reduktimit të varfërisë.
Partia Demokratike mbështetet mbi parimet themelore të lirisë, demokracisë dhe dinjitetit njerëzor. Anëtarësimi në BE është objektiv parësor që përfaqëson vullnetin mbizotërues të popullit shqiptar. Forcimi i partneritetit strategjik me ShBA-të, NATO dhe BE, integrimi euro-atlantik i Kosovës, si dhe thellimi i bashkëpunimit me vende të tjera mike janë boshti i politikës sonë të jashtme. Mbrojtja e interesave kombëtare qendron në themel të angazhimit politiko-diplomatik të Partisë Demokratike të Shqipërisë.
Një ekonomi e zhvilluar e një vendi të zhvilluar është motoja jonë. Partia Demokratike do që kombi ynë të jetë komb i bizneseve start-up dhe sipermarrjeve. Bërja e Shqipërisë vendi më i mirë për të nisur e rritur një biznes – ështe një nga synimet tona kryesore. Partia Demokratike është parti e taksave të ulëta, e rritjes dhe zhvillimit. Ne i mëshojmë fort përdorimit të nxitësve për sipërmarrjet punuese dhe ato të teknologjisë së avancuar, si dhe ndihmës përmes fondeve për start-upe të të rinjve dhe grave. Ne do të promovojmë çdo liri ekonomike për të siguruar që bizneset në vendin tonë të mund të çlirojnë potencialin e tyre të madh – që ata të mund të investojnë, punësojnë, eksportojnë dhe rriten. Ne do të investojmë në aftësi dhe trajnim, gjë që do të sigurojë që bizneset të mund të gjejnë dhe punësojnë punëtorët që u nevojiten. Rregullimi i mirë është thelbësor për biznese të suksesshme: ne do të përpiqemi të arrijmë ekuilibrin e duhur rregullator midis mbështetjes së praktikave të shkëlqyera të biznesit dhe mbrojtjes së punëtorëve, konsumatorëve dhe mjedisit
Programi Kombetar i PD per SPORTIN ka mision te reformoje dhe rikonceptoje infrastrukturen organizative e institucionale dhe te pershtase e permiresoje kornizen ligjore mbi te cilat zhvillohet sporti. Sporti me vehte – Strategji kombetare per sportin, per nje Shqiperi aktive, per nje komb energjik, per nje shoqeri vitale dhe te shendetshme. Dyfishim i buxhetit te sportit – Fondet per sportistet e traineret, kampionet dhe rekordmenet jo per zyrat dhe xhepat e zyrtareve.
Kultura është gjuha e përbashkët që karakterizon një shoqëri, dhe përfshin, përveç arteve dhe letrave, mënyrën e jetesës, të drejtat themelore të njeriut, sistemet e vlerave, traditat dhe besimet. Kjo është arsyeja pse projekti ynë është kulturor, emancipues, një përgjigje ndaj barrierave të padukshme të krijuara nga shoqëria. Kultura dhe trashëgimia kulturore dhe kultura është ADN-ja e një kombi e në projektin tonë do të jenë kartvizita e Shqipërisë.
Për një Shqipëri të Gjelbër. Sigurimi i zhvillimit dhe përdorimit të qëndrueshëm të burimeve natyrore pyjore dhe kullosore. Promovimi i bio ekonomisë bazuar në pyje duke përfshirë ekoturizmin. Zhvillimi i aftësive profesionale dhe fuqizimi i kapaciteteve teknike menaxheriale. Mbrojtja e biodiversitetit, restaurimi, ripyllëzimi dhe zgjerimi i pyjeve, dhe zonave të mbrojtura, për të rikthyer humbjen e biodiversitetit dhe për të siguruar ekosisteme pyjore elastike dhe shumëfunksionale nga ndikimi i ndryshimeve klimatike. Stimujt financiarë për pronarët dhe menaxherët e pyjeve. Monitorimi strategjik i pyjeve, kullotave dhe biodiversitetit. Një agjendë e fortë kërkimi dhe inovacioni me nje kuader ligjor gjithëpërfshirës dhe koherent i qeverisjes pyjeve kullotave dhe biodiversitetit.
